Kwenye kichaka cha miiba ambacho tumekiacha nyuma ya nyumba yetu, wanyamapori wengi wanapata hifadhi kutokana na kuongezeka kwa uharibifu wa mazingira nchini Tanzania. Mojawapo ya wanyama hao ni sengi au panya-ndovu. Mnyama mdogo anayeonekana kama panya mwenye pua ndefu inayofanana na ile ya panya-misitu. Hata hivyo, mnyama huyu hana uhusiano na panya au panya-misitu, bali anahusiana zaidi na tembo na ng'ombe wa baharini (nguva)!
Kiumbe huyu mdogo mwenye sura ya kupendeza husafisha njia zake mwenyewe kupitia vichaka, ambazo hukimbia kwa kasi sana akitafuta chakula au kujificha kutokana na maadui. Dume na jike wake hushikilia eneo lao, ambalo ukubwa wake unaweza kutofautiana kulingana na upatikanaji wa chakula.
