Emily

Hivi Camilla ana mimba au hana?

Tumbo lake lilizidi kuwa kubwa na kubwa, hadi siku moja tulipoona doti jekundu sana chini ya mkia wake. Mara moja tulichukua kitabu chetu cha ngamia na kusoma kwamba doti hili huonekana takribani wiki mbili kabla ya kuzaa. Aisee, ilisisimua sana!

Kisha, wiki mbili baadaye Jumapili saa moja asubuhi, mlinzi alinipigia simu kwa simu ya mkononi: "Mama, kuna kitu kinatoka nyuma ya ngamia!"

Sijawahi kukimbia haraka hivi. Ndiyo, na pale alisimama Camilla ndani ya banda lake—huku kichwa cheusi na miguu miwili ya mbele ikitokeza kwa nyuma. Wakati wa uchungu uliofuata, mwanangu Tobias alishika miguu ya mbele na kuvuta, na mara moja mtoto wa ngamia wa kike, mrembo mwenye rangi ya kijivu kilichokolea, akawa amelala chini. Alionekana mwenye afya njema na aliyeshiba vizuri, akitikisa kichwa chake kwa unyonge. Tilikadiria ana kilo 50 na tukampa jina Emily.

Kwa muda mfupi tu Emily alisimama na kuanza kunyonya kwa mama yake Camilla. Kisha akaanza kuruka-ruka kwa unyonge na kwa udadisi, akaja kujibana kwetu na kuangalia ulimwengu kwa furaha tele. Basi lake lilikuwa laini kuliko kitu chochote tulichowahi kupapasa. Kifurushi cha furaha na nguvu kilikuwa tayari kuchunguza ulimwengu. Tunamshukuru Muumba kwa zawadi hii nzuri ajabu!

Maziwa ya ngamia kwa kweli ni matamu sana na yana afya tele.