Unapotoka kwenye bustani nyumbani msimu wa mvua, haichukui muda kuona kipepeo akipepea kutoka ua hadi ua. Shamba hilo pia limejaa wadudu hawa wadogo wa rangi. Wanajilisha hasa nekta, na hivyo husaidia kuchavusha mimea na kuwa muhimu kwa mfumo wa ikolojia wenye afya.
Kipepeo mkubwa zaidi kwenye shamba letu ni kipepeo mkia-mlimao. Kwa mabawa ya cm 9 hadi 11, vipepeo wengine huonekana kama vibete. Kama kiwavi, spishi hii hula tu mimea ya jami za malimao. Kwa sababu hii, kwa bahati mbaya ni spishi iliyo hatarini, kwani wanadamu wanafyeka sehemu nyingi za ardhi bila kuzingatia, na hivyo kuharibu msingi wa maisha kwa
wanyama wengi.
Kipepeo mwingine anayeonekana mzuri ni aina ya kipepeo mbohora, ambayo hula mimea yenye sumu maisha yake yote, na kuifanya isiweze kuliwa na mwindaji yeyote. Kipepeo ambaye haonekani kuvutia sana kwa rangi yake rahisi ya hudhurungi-kahawia ni “Brown Playboy”. Kiwavi wake hula mimea yenye sukari na kuacha umande wa asali kama kinyesi. Hii huvutia chungu ambao humtunza na kumlinda kiwavi. Kiwavi akitaa, chungu huburuta bundo yake kwenye shimo lao ambamo kipepeo anaweza kujiunda kwa usalama.
Inapoanguliwa, inatambaa nje ya shimo bila kuzuiwa na chungu, ambapo inaweza kuruka. Hata kama wanaonekana kutokuvutia kwa mtazamo wa kwanza, kuna siri ya maisha ya kushangaza nyuma yao.
